- Erakusketa doan bisitatu ahal izango da, eta apirilaren 6ra arte (astelehena) egongo da irekita.
- Erakusketa Burgek 2023 eta 2025 urte artean egindako lanekin osatu da. 2024-25ean beka eskuratu zuen BilbaoArteren estudio eta guzti.
- Proiektua osatzeko, bisita gidatuak egingo dira euskaraz (martxoaren 4an) eta gaztelaniaz (martxoaren 18an), zeinu-hizkuntzara egokituta, eta erakusketari buruzko liburu bat aurkeztuko da (martxoaren 26an).
(Bilbon, 2026ko otsailaren 18an.– BilbaoArtek, ekoizpen artistikorako Bilboko Udalaren zentroak, “Ipar-Hegora” aurkeztuko du, Leo Burge artistak (Londres, 1991) egindako azken ekoizpenaren izenburua. Erakusketa doan bisitatu ahal izango da otsailaren 20tik (ostirala) apirilaren 6ra (astelehena), URIBITARTE40 aretoan.
Burgek beka bat jaso zuen BilbaoArteren estudio eta guzti 2024-25 denboraldian, eta, ondoren, Otxarkoagako estudioetan lan egin zuen. Modu horretan, erakusketa Burgek 2023 eta 2025 urte artean egindako lanekin osatuko da. Lan batzuk –(adibidez, Ipar-Hegora seriea- bere tailerrean egin ditu; beste batzuk -hala nola, Eraikuntza Moldeatua (Gordina/Hurra) pieza, berriz, BilbaoArte Fundazioan. URIBITARTE40 Aretorako berariaz egindako mural batzuk ere egongo dira ikusgai, Atoi espazioan (Bilbo) egindako instalazio batetik sortutako diseinuekin, edota Detritus seriea, Ethallen (Hospitalet, Bartzelona) ikusgai dagoena.
Proiektua osatzeko, hainbat bisita gidatu egin ahal izango dira euskaraz eta gaztelaniaz, Espainiako Zeinu Mintzairara egokituta, eta martxoaren 4an (euskaraz) eta martxoaren 18an (gaztelaniaz) izango dira 19:00etan. Era berean, erakusketari buruzko liburuaren aurkezpena egingo da martxoaren 26an, eta bertan izango dira Leo Burge bera eta Jaime Asua, argitalpenaren diseinuaren arduraduna. Erakusketarako eta programatutako jardueretarako sarrera librea eta doakoa da.
Leo Burgeren lanak marrazkia, erliebea, eskultura exentua, idazketa eta horiek agertzen diren espazioak biltzen ditu. Askotan, altzairuzko eta karbonozko makilak, zintak eta emaitza gisa agertzen diren testurak edo aztarnak moztu eta birmoldatzean findutako lerroak prozesatzen ditu. Mihiztatzeen, pitzaduren, tolesturen, kurben eta amaiera hauskorren bidez —batzuetan estudioan egindako ekintza mekanikoen edo eskuzkoen ondorioz— azalera edo objektua eraldatzen duten erliebeak edo egitura autonomoak sortzen ditu, formaren, espazioaren eta irudikapenaren nozioak aztertzearekin batera. Inprimatzean, margotzean eta espazioan jartzean, erlazio esanguratsuak sortzen dira, eta artistak modu isolatuan aztertzen ditu, hasierako funtzioa batzuetan alde batera utzita. Horrela, proiektu baten euskarri/azaleraren alderdia hasiera nahiz amaiera gisa hartzen du, ikuspegi enpiriko eta fenomenologiko batetik formak aztertuz.
IZENBURUAREN JATORRIA
Ipar-hegora bidaia bat da, olatuek gure kostaldera iristeko iparraldetik hegoaldera egiten duten bidaia. Hurbileko irudia izateaz gain, sormena bereizten duen bidaia ere izan daiteke, intentsitateak etengabe igo eta jaistearen antzekoa.
Erakusketa ibilbide baten antzera eratu da, lanaren hainbat alderdi elkarrizketan jarrita: marrazkiak, erliebeak, erakustokiaren prototipoak eta prozesu-zatiak. Estudioan mekanizatutako makila ugari daude, eta horien bitartez sekuentzia-mota desberdinak sortzen dira. Elkargune eta amaiera hauskorrak, batzuetan, eraikuntza-printzipio gisa erabiltzen dira, eta berez desberdina denaren bidez egitura daitezke obrak. Egituratutako forma baten eta hura osatzen duen errore-marjinaren arteko jokoa etengabea da piezetan.
Artistaren azken aldiko ibilbidean gakoak diren lan batzuez gain —urtean zehar erakutsitako lanak; tartean, KAMC egoitza (Yokohama), No amago res a les butxaques erakusketa Souvenir aretoan (Bartzelona), Blue Lines erakusketa Rekalde aretoan (Bilbo), Hypopressive en Ethall (Bartzelona) —, ekoizpen berriak aurkeztuko dira, batez ere eskala txikiagoko saiakuntzetatik garatutako horma-marrazki batzuk.
Marrazkiaren eta eszenaratzearen bidez, artista honen psikerako irekitasun batzuk antzeman daitezke, artearen abstrakzioa menderatzearen nahiz beste mundu batzuen inguruko erreferenteekin. Lan batzuek, agian ez hain ustekabean, rockaren, surfaren eta Do It Yourself-en azpikultura bisualetarako bidean grabitatu egiten dutela ematen du.
ERAKUSKETA
Titulua: Ipar-Hegora
Artista: Leo Burge (Londres, 1991)
Lekua: URIBITARTE40 Aretoa (Uribitarte pasealekua, 40. 48009 Bilbo)
Egunak: 2026ko otsailak 20 – apirilak 6
PROGRAMA PUBLIKOAK
- Inaugurazio-programa
Bisita gidatua artistarekin
Otsailak 20, ostirala, 18:00
Inaugurazioa eta aurkezpen publikoa
Otsailak 20, ostirala, 19:00 – 21:00
Sarrera doan.
- Bisita gidatuak
Bisita gidatua Espainiako Zeinu Mintzairarekin eta mintzatua
Martxoak 4, asteazkena (euskaraz), 19:00
Martxoak 18, asteazkena (gaztelaniaz), 19:00
Sarrera doan.
- Liburuaren aurkezpena
Martxoak 26, osteguna, 19:00
Leo Burge artistarekin eta Jaime Asua argazkilari, zinemagile eta diseinatzaile grafikoarekin.
Katalogoan KAMC Koganecho, Ethall galeria eta Atoin ikusgai izandako urtebeteko lana laburbiltzen da, eta aurreko batzuk ere biltzen dira; esate baterako, Carreras-Mugican eta Jorge Lopezen egindako erakusketak edo BilbaoArteko egoitzan ekoitzitakoak. Gainera, Ipar-Hegora erakusketarako egindako konpilazio berriak dokumentatuko dira izenburu berarekin.
LEO BURGE
Londres, 1991
Bilbon bizi da, eta bertan egiten du lan.
BilbaoArten 2024-25 aldian egonaldia egindako artista.
Euskal Herriko Unibertsitatean eta KABKen (La Haya) ikasi zuen. Bakarlari gisa eta binaka erakusketak egin ditu: Blue Lines (2025) Rekalde Aretoan; Egitura Konstanteak (2023) Jorge Lopez galerian; Metofam (2020) eta Petal (2018) Carreras Mugica galerian; Display Series III (2022) Bulegoa Z/Bn. Halaber, erakusketak eta egoitzak egin ditu KAMC Yokohama, Halfhouse eta BilbaoArte Fundazioan. Era berean, taldean parte hartu du honako hauek bezalako erakusketa eta proiektuetan: Koganecho Bazaar (2025), Sonic Fielding (2024) eta Bi Dos Two (2018) Azkuna Zentroan. Horrez gain, Gio Bat eta Kalostra (biak 2015ean) proiektu iragankor ospetsuetan parte hartu du. Haren testuak CentroCentro, MUSAC, Racoon Projects eta Eremuak bezalako areto eta erakundeetarako argitaratu dira.