¿A dónde vamos? [Nora goaz?] (2012–2016)
Dokumentala. Audiobideoa
1h 14’30’’
BA Bilduma
Erregistro Zk.: 443
XXI. mendearen hasieran Euskadin adinekoa izatea zer den ezagutzen saiatzen den hurbilpen errealista bat da. Proiektu hau nagusiak izatera heltzen garenean aurrez aurre zer izango dugun jakin nahi izatetik abiatzen da. Zuzeneko eran, pertsonek berek emandako erantzunekin. Presarik gabeko elkarrizketak ematen duten plazer eta hurbiltasunarekin, eta euren esperientziak konpartitzen dituztenen eskuzabaltasunarekin. Zer da nagusia izatea? Noiz iristen da zahartzaroa? Zer gertatzen da erretiratzen zarenean? Gauza bera da nagusia izatea eta zaharra izatea? Zaila izango da lagunak egitea? Aspertuko naiz? Nolakoa izango da orduan nire gorputza? Beldurra emango dit heriotzak? Posible ote da sexua 90 urterekin?