A trace of all the lands the plane has crossed (2011)
Xilografia eta inprimaketa digitala
50 x 70 cm
BA Bilduma
Erregistro Zk.: 2011.210.1
Oso ezberdinak diren bi teknika elkartzen dira irudi honen ekoizpenean. Inprimatze digital baten gainean, Jelena Sredanovic estanpazio xilografikoaren bidez ia zeharrargiak diren tinta-geruzak eransten joan da. Geruzok gainezarpen-efektu oso arina sortzen dute, eta, horrela, amaierako irudiari ñabardura eta sakontasuna ematen diote. Tentsio zorrotz bat ezartzen da (formala zein prozedurazkoa) oinarrian dagoen inprimaketa digitalaren bereizmen zehatzaren eta geruza xilografikoen berotasun lausotuaren artean, non egurraren zainak ere nabari daitezkeen. Hala, gaiak garrantzia galtzen du eta piezaren ezaugarri estrukturalak agertzen dira lehen planoan.