Etorrera (2015)
Argazkia paper baritatu gainean
32 x 37 cm (markoarekin) / 10 x 15 cm (obra)
BA Bilduma
Erregistro Zk.: 2015.296.1
Laia Salak euskarri analogikoarekin lan egiten du, denborarekin nahitaez erlazionatzen den prozesu baten bitartez; gai hori islatu egiten da bere “ezerezetik sortzen diren gauza berriak” proiektuan, eta modu obsesiboan betetzen du proiektu hori.
Prozesu horrek denboraren joana eta begiradaren eraldaketa ikertu nahi zituen, Bilboko inguruneak deskubritzearen bidez, hiri hori guztiz ezezaguna baitzen une hartan autorearentzat.
Gertatu zena “hiri-gurutzetzat” hartu liteke; bertan, denbora prozesu analogiko baten bidez egituratu zen, “revival” bokazioarekin, argazki-irudiaren jatorriari fase desberdinen bidez heltzeko. Lehengo etapa hirira zuzendutako begirada iniziatiko eta “birjinal” batean oinarritu zuen -garai hartan berarentzat ezezaguna zen hiri batera zuzenduta: Bilbo-. Gero, esperientzia horretatik abiatuta, “bigarren fasea hiriak bere ingurunean zuen isla jasotzera zuzendu zen”, Laia Salak berak adierazten zuen bezala. Etorrera lehenengo fasearen zati da, hau da, ingurunearen deskubrimenduari zegokion fasearen zati, artistak aurreneko aldiz begiratzen zituenean Bilbo eta bere itsasadarra.