Are You My Angel [Nire aingerua zara] (2012)
Inkjet dibond gainean
124 x 162,5 cm
BA Bilduma
Erregistro zk.: 2012.228.1
“Argazkiak ateratzera irteten naizenean, ehizara noa”. Horrela definitzen eta deskribatzen du bere burua Cristina Fonsarék, irudiak beren gogoz kontra harrapatzen dituen biltzaile gisa. Are you my angel da horietako irudi bat, normalean gauekoak izaten ohi diren hiriko ibilbideetan ateratakoa. Aukeratutako ordu eguzki gabe horietan zerbait ilun eta banpirikoa dago. Gauean, irudiak iluntasunean diluitzen dira, eta argi artifizialik gabe desagertu egiten dira. Baina, alderantziz, argi ez-natural hori aplikatzen bada, irudi desberdinak agertzen eta berpizten dira, bizitzako objektu arruntei dimentsio berri bat emanez.
Horrela ateratako paisaia eta herritargoa atmosferaz inguratuta agertzen dira, ezezagun eta bitxi bihurtuta. Argitasun berri honen pean, gasolindegia iluntasunean materializatutako egitura handia da, ez-leku batean, eszenan ageri den izaki bakarrak inguratua: txakur txiki bat, kamerara zorrotz begira.