Colonia de árboles pájaro [Txori-zuhaitzen kolonia] (2011)
Serigrafia, 5 tintatan, taula gainean
72,2 x 101 cm
BA Bilduma
Erregistro zk.: 2011.191.1
Jan Comeniusen Orbis sensualium pictus (1658) umeentzako lehen irudidun liburua da. Barrokoko ezaguera guztiak batzen dituen atlas moduko bat da. Haren edukiak haur irakurleentzako ulergarriagoak egin nahi ziren irudi soilen bidez. Ordutik, umeentzako testuen ilustrazioa arte grafikoen erantzukizun mardula bilakatu da, irudien bitartez irakurleen esperientziarik eza konpentsatu beharraren jakinaren gainean.
David Martín ilustrazioaren menpeko posizio tradizional horri itzuli bat ematera dator: irudiak ez du aurretik existitzen den testuen eredurik adierazten, baizik eta alderantziz, narrazio inplizitu bat duela dirudi. Edozein umek —gu aitortzeko prest gaudena baino askoz erneagoak dira— ongi berreraiki dezake txori-zuhaitzen argitaragabeko ipuina irudi hau ikustearekin bakarrik.