FLOR [LOREA] (2022)
Ehungintzako eta soldadurazko eskultura
110 x 150 x 185 cm
BA Bilduma
Erregistro Zk.: 2022.542.1
BilbaoArte Fundazioan 2023an egindako “Axila, que robo sobaco” bakarkako erakusketaren parte da FLOR [LOREA]. Fikziozko pertsonaia baten sexu-ekintzari buruzko hiru fase biltzen dituen proiektua da, eta bideoa, performancea, ehun-artea eta eskultura bezalako diziplinak batzen ditu, ikusleari pertsonaia bat, izaera fetitxistako alter ego bat aurkezteko.
Obra sofa bat da, eta, aldi berean, eskultura bat. Hagaxka eta altzairuzko hodiz, aparrez eta oihalez egindako egitura da; zetazko lore beltz baten forma sortzen du, maitasuna egiteko lore bat. Horrela, artistak begiradarik arretatsuena, indibidualena eta pertsonalena bilatzen du bere praktika artistikora iristeko.
Maider Aldasoro (México, 1992) Arte Ederretan graduatua da EHUn, Erasmus bat barne Norwich University of the Arts-en 2013an. Arte eta Sorkuntzako Ikerketa Masterra, Madrilgo Unibertsitate Konplutentsean. Jantzien diseinua, eskultura eta bideo-performancea nahasten ditu. Erakusketa kolektiboetan parte hartu du, hala nola XXXVI Muestra de Arte Joven en la Rioja 2020, Ertibil Bizkaia 2021 eta 2023. Egoitzak egin ditu Bilbaoarte Fundazioan, Axila, que robo sobaco bakarkako erakusketa batekin amaituz, eta Azkuna Zentroan/Alhóndiga Bilbaon Babestu, Apoyo a la creación markoaren barruan, Aurrean Goxo bakarkako erakusketa bat eginez zentro berean. B.A.C.E PROJECT euskal artista gazteen nazioartekotze programan parte hartu du, Eugenia Grifferok zuzenduta eta Bizkaiko Foru Aldundiko Kultura Sailarekin lankidetzan, eta bakarkako erakusketa bat egin du Art Lacuna-n (Londres, 2022).