La casa m (de misterio) [M etxea (misteriozkoa)] (2010)
Olioa oihal gainean
150,5 × 130,3 cm
BA Bilduma
Erregistro Zk.: 2010.172.1
M etxea (misteriozkoa) etxeko arkitekturari begirada kezkagarri batetik heltzen dion proiektu baten zati da. Irudikatutako etxeek, itxuraz interesik gabekoak izanda, anbiguotasunez betetako etxekotasuna ekartzen dute gogora. Zoritxarrekoa normaltasunaren itxuraren azpian nolabait iradokiko balitz bezala, bere obrek planteatzen dute munstrokeria ez dela beti modu groteskoan azaleratzen; aitzitik, sarri askotan oharkabean sartzen da egunerokotasunaren azpitik. Bere pinturek islatzen dituzte artistari bere inguruko munduak etengabe sortzen dizkion jakin-mina eta ziurgabetasuna. Gure ingurunea erabat ezagutzeko ezintasunaren eraginez, naturak zentzu enigmatikoa hartzen du, baita mehatxuzkoa ere, gizabanakoentzat. Gizakiak unibertsoaren eskalaren aurrean sentitzen dituen ziurgabetasun eta hutsaltasun etengabe hori da artista beldurtzen duena, eta aldi berean liluratu egiten duena.
Bere irudiak, sarritan, egoera intimoen eta berak fisikari eta zientziaren beste alor batzuei buruz egindako irakurketa pertsonalen arteko intersekzioak daude motibatuta. Bere pinturetan agertzen diren etxeek kutsu goibeltsua izaten dute, zeren asmatutako giro samingarrietan egoten baitira sartuta, edo baldintza natural kaltegarrietan. Era horretan, Pozuelok sortzen ditu beldurrezko filmak edo zientzia-fikziozko literatura gogora ekartzen dituzten eszenak. Bere pinturak giza zentzumenek ezagutzen ez dutenaz espekulatzera gonbidatzen du, gauzen itxuren atzetik ezkutatzen denez espekulatzera.
García-Pozueloren pinturek etxeko arkitekturari heltzen diote begirada kezkagarri batetik. Irudikatutako etxeek, itxuraz interesik gabekoak izanda, anbiguotasunez betetako etxekotasuna ekartzen dute gogora. Zoritxarrekoa normaltasunaren itxuraren azpian nolabait iradokiko balitz bezala, bere obrek planteatzen dute munstrokeria ez dela beti modu groteskoan azaleratzen; aitzitik, sarri askotan oharkabean sartzen da egunerokotasunaren azpitik.
Bere pinturek islatzen dituzte artistari bere inguruko munduak etengabe sortzen dizkion jakin-mina eta ziurgabetasuna. Gure ingurunea erabat ezagutzeko ezintasunaren eraginez, naturak zentzu enigmatikoa hartzen du, baita mehatxuzkoa ere, gizabanakoentzat. Gizakiak unibertsoaren eskalaren aurrean sentitzen dituen ziurgabetasun eta hutsaltasun etengabe hori da artista beldurtzen duena, eta aldi berean liluratu egiten duena.
Juan García-Pozuelo (Logroño, 1978) artista plastiko bat da, 1996az geroztik Bilbon bizi dena. Euskal Herriko Unibertsitatetik Arte Ederretan lizentziatua, Ikerketa eta Sormena Artean Masterra ere egin du erakunde berean. Bere prestakuntza nazioarteko zentroetan sakondu du, hala nola New Yorkeko School of Visual Arts eta Salzburgoko Summer School of Fine Art erakundeetan. 2001az geroztik, estilo piktoriko figuratiboa garatu du, gai kontzeptualetan zentratua. Bere obra ikusgai egon da hamabi erakusketa indibidualetan, galeria eta erakunde nazionaletan, eta erakusketa kolektibo ugaritan parte hartu izan du hasieratik beretik. 2020az geroztik, Artoteka proiektuarekin kolaboratzen du, obren mailegua erakunde eta partikularrei eskainiz. 2024an, aukeratua izan zen Eusko Jaurlaritzaren Arte Plastiko eta Bisualen sustapenerako diru-laguntzen programarako. Bere ibilbideak barne hartzen ditu bere ekoizpen artistikoa aberastu duten zenbait beka eta egonaldi. 2019an, Institut Françaisen beka lortu zuen, Bilbaorte Fundazioaren laguntzarekin, Parisko Cité Internationale des Artsen egonaldi bat egiteko. 2023an, aukeratua izan zen Lanzaroteko Nautilus egonaldirako, eta 2012an Bizkaiko Foru Aldundiaren beka jaso zuen. Orobat, artista egoiliarra izan da bi aldiz Bilbaoarte Fundazioan, eta 2008an New Yorkeko Snug Harbor Cultural Centerren. Errioxako Parlamentuaren Pintura Lehiaketaren bi erosketa-sari jaso ditu. 2025eko martxoan, bere proiektuaren zati bat garatu zuen Sèvresko (Île-de-France) Le Jardin des Métiers d’Art et du Designen, Hauts-de-Seine departamentuaren eta BilbaoArteren arteko truke-programa bati esker.