Membrana (2025)
Artista liburua
Kautxoa, foam eta pintura
25 x 18 x 13 cm
BA Bilduma
Erregistro Zk.: 2026.646.1
Bere praktika bi indarren ikerketa formalean oinarritzen da: bultzadan, gorputza kanporantz proiektatzen duen indar gisa ulertuta, eta eustean, barrurantz jarduten duen indar gisa, erregulatuz, xurgatuz eta egonkortuz. Bi indar horiek dinamika osagarri gisa ulertzen dira; haien arteko marruskadurak negoziazio-espazio bat aktibatzen du, eta bertan sortzen da forma.
Artistak babes-estrategiei erreparatzen die, besteak beste, motozikleten karrozerietan, eserlekuetan eta segurtasun-hesietan agertzen direnei; elementu horiek baliotsua babesten duten sistematzat hartzen ditu, muga fisikoen, euste-elementuen edo bilgarrien bidez, dimentsio estetikoari uko egin gabe.
Bere lana tailerreko espazioan artikulatzen da, erabaki intuitiboen eta etengabeko egokitzapenen prozesu gisa, materialen portaerari eta haien arteko harreman-moduei erantzunez.
Benito Piriz (Durango, 1992) Arte Ederretan graduatua da EHUn (2014) eta Artearen Ikerketa eta Sorkuntzako masterra egin du (2015). Bere lana bakarka erakutsi du, besteak beste, Montehermoso Kulturunean, “Travieso” erakusketarekin, eta Rekalde Aretoan, “Pikete-tuning” erakusketarekin; baita BilbaoArten, RKEn eta Arizko Dorrean ere. Talde-erakusketetan parte hartu du Bilboko Guggenheimen, Horcasitas Jauregian eta Mäa (Bilbo), Artnueve (Murtzia) eta La Bibi + Reus City (Palma) galerietan. Getxoarten lehen saria jaso du, Ertibilen bigarren saria eta Errioxako Arte Gaztearen Erakusketan hirugarren saria. Bere egonaldien artean nabarmentzekoak dira Babestu, Azkuna Zentroan, eta BilbaoArteko bi urteko egonaldia.