Poesia egituratua (2025)
Artista-liburua. Bilgarriak, paperezko poltsak, zatar-papera, aluminiozko papera eta amarratze-zinta elastikoa gantxoekin
36 x 26 x 7 cm
BA Bilduma
Erregistro Zk.: 2025.636.1
Idazketari, grafikari, ikus-entzunezkoei, elkarrizketari eta performanceari lotutako praktika bat garatzen du. Hori guztia inoiz ere zuzena, zuzenekoa edo agerikoa ez den trazatu atean hedatzen da, desioaren eta bizipenaren artean, bizi izandakoaren eta bizitzeko dagoenaren artean. Ikertzeko, tramak sortzeko, idazteko eta marrazteko modu bat, artista “han-hemenka ibiltzera” eramaten duena. Hau da, desbideratzea bera noraezean ibiltzearekin parekatzea, orientazioaren forma dialektiko bihurtuz: norbera galtzearen eta berriz aurkitzearen arteko jolas bat da. Prozesu honetan bi pieza sortzen dira: artista-liburu bat, bere barnean bilgarriak, paperezko poltsak eta artistak bere obra ekoiztean kontsumitutako elikagaien bilgarriak dauzkana, eta horma-instalazio bat, bi marrazkiren eraldaketa batzuk erakusten dituena (bi buruko zisne bat eta sumendi baten inplosioa) -marrazki horiek bere praktikan agertzen dira behin eta berriro, eta artistak nolabaiteko automatismoarekin lantzen ditu bere ekoizpen-prozesu filmiko, literario edo performatiboan-.
Pablo Marte (Cadiz, 1975) artista eta ikertzailea da. Bere lanaren ardatza da aztertzea nola egituratzen -eta berregituratzen- diren irudiari esanahia emateko prozesuak eta diskurtsoaren ekoizpena, muntaketaren praktika sintomatiko, hedakor eta heterogeneo baten bidez.