Rosa Oro (2016)
Video HD 7′
213,33 x 120 cm
BA Bilduma
Erregistro Zk.: 332
Rosa Oro ikerketa-proiektu bat da, Sara Munguía artistak 2016an egindako zazpi minutuko iraupena duen taularen gaineko bideo-proiekziora eraman zuena. Proiektu hau artistak denboran zehar ikus zitekeen bideo bat egiteko zuen interesarekin hasi zen, itxaropen eta desio ideietatik abiatuta.
Bideoan zehar antropologiako eta arte ederretako museo desberdinetan grabatutako objektuen zatiak ikusten dira, baina haien forma osoa erakutsi barik, kamera objektuen gainazalera era oso oldarkorrean hurbiltzen baita. Edozein eduki historiko edo sinboliko ezabatzen da kolore, forma eta testuretara murrizteko. Bideoan zehar soinua gero eta gehiago agertzen da, eta guztia desitxuratzen joaten da. Historiari lotutako pentsamendu lineala zentzumen-pertzepzioak ordezkatuko du.