Izenbururik gabe
Meteoroak, aparatuak eta zurrunbiloak (2015)
Inprimaketa digitala paper gainean
62 x 92,5 cm, markoan sartutaBA
Bilduma
Erregistro Zk.: 2015.305.1
Francisco Navarrete Sitja, astez aste, hilabetez hilabete, gaueko esploratzaile gisa, euskal eremu industrialean kokatu zen, pazientziaz eta argiz, denborazkotasun mugagabeko imajinario baten irudi “fantasmatikoa” islatzeko.
Naturan murgilduta, gauaren itzalek ezkutatuta, frankotiratzaile baten moduan, muturreko paisaia baten notario-akta egin zuen artista txiletarrak; izan ere, ia paradisiakoa den naturaren erdian, arkitektura industrialek antzina-antzinakoa dena kutsatutzen dute, eta gure begiradan etorkizun makur baten mehatxua pizten dute.
Artistak berak adierazi bezala, “errealitatea eta fikzioa, materiala eta immateriala, naturala eta artifiziala, tokikoa eta globala gainjartzeak paisaiari eta bizitza kolektiboari lotutako narratiba historiko jakin batzuei buruzko espekulazio formala eragiten du”. Meteoros, aparatos y vórtices serieko irudi honen kasuan, natura planotik desagertzen da sinboliko bihurtzen den egitura bat birsortzeko; izan ere, historikoki, badirudi teknologia- eta industria-arloak garrantzitsuak direla gure garaiko Bizkaiaren euskal nortasuna zehazteko.
Lan honetan hain hautemangarria ez bada ere, alderdi atmosferikoak eta zinematografikoak dir-dir egiten dute Navarrete Sitjaren lanean, emozio baten inguruko diskurtsoa eratzeko: ziurgabetasuna. Hori, eta ez besterik, kronologia zehatzik gabeko denboran ainguratutako eta jitoan dagoen nabe honen ikusmenetik ondorioztatzen da.
Francisco Navarrete Sitja (Arte Plastikoetan lizentziatua da eta Arte Bisualen Masterra du Txileko Unibertsitatetik. Santiago (Txile) eta Bartzelona artean bizi da eta bertan lan egiten du. Navarreteren praktika artistikoa hausnarketa egiten du irudiaren kontenplazioaz, denboratasunaz eta subjektibotasunaz, eta baita lurraldearen irudikapenaz ere.