Switch off all devices [Gailu guztiak itzali] (2008)
Argazki-teknika mistoa
65,5 x 99 cm, markoan sartuta
BA Bilduma
Erregistro zk.: 2008.141.1
Switch off all devices lanean, Carlos Irijalba kontzertu zein estadioetan erabili ohi diren argiztapen artifizialerako gailuetaz baliatzen da, eszenografikoa errepresentatzeko moduak zalantzan jartzen dituen argazki segida bat sortzeko.
Argia ikuslearen begirada erakartzeko erabiltzen da ikuskizunetako alor guztietan. Hala gertatzen da zineman, adibidez, non argazkigintza eta postprodukzioa funtsezkoak diren filmen eszenen berreraikitzean. Horri erantzuteko, egoera horri buelta ematea erabakitzen du artistak, “analogiko” deitu genezakeen prozesu bat ezarrita: baso erabat ilun baten eremuak argiztatzen ditu, gure begirada halabeharrez elementu naturaletara bideratuta (kasu honetan, lur zatitxo bat), normalean nabari ez ditugunak, presentzia ematen die, eta modu horretan, prozesu artistikoari errealitatea aldatzeko ahalmena ematen dio, paisaia bat berrirakurtzeko ahalmena, eszenaratze hori gabe modu oso ezberdin batean ulertuko zena.