V^V (2009)
Ilustrazio digitala paper, zur eta esmalteen gainean
72,5 x 52,6 cm unitate bakoitza
BA Bilduma
Erregistro zk.: 2009.159.2
Serigrafiaren moduko teknika grafiko azkar eta aldakorrek aukera logikoena dirudite Ätakontu kolektiboarentzako; beraien lana ehun estanpazioetan oinarritzen dute, beti artea eta diseinuaren arteko mugen artean mugituz. Kasu honetan, grabatumunduko gai klasiko bat hartzen dute, irudi erlijiosoa, eta horren gainean lan egiten dute gaur egungo pop hizkuntza batera joz. Irudi sakratuak (zuri beltzean) elementu geometriko monokromoekin inguratzen dituzte, eta distirak eta argikoroa tradizionalak karrozarizintarekin ordezkatu. Deboziozko irudia jaialdi indie baten karteleko estetikaren menpe: agian ez da ematen duen bezain iraganbide burugabea.
Atakontu Sara Campillok eta Ibaio Leonek osatzen dute. UPV/EHUtik Arte Ederretan lizentziatu ondoren, zenbait sari eta ekoizpen-beka jaso dituzte zentro batzuetan, hala nola Artelekun, eta baita Bizkaiko eta Arabako Foru Aldundien aldetik ere. Gaur egun, euren Bilboko estudioan bizi dira eta bertan lan egiten dute, euren erakusketa-proiektuak modaren munduarekin lotutako ekitaldiekin uztartuz.