Carmen B. Mikelarena artista bisuala (Madril, 1998) Arte Ederretan graduatua da (UCM), eta ikasketa-egonaldiak egin ditu Plymouth-en, Berlinen eta Granadan. Carmenek proiektuak egiten ditu freelance ilustratzaile gisa, eta, aldi berean, praktika artistikoa lantzen du komikian, ehungintzan, zeramikan eta pinturan. Bere lanean, cutea, folklorea eta teknologia berrien erabilera ditu aztergai. Hainbat beka eta sari jaso ditu, hala nola Sormenerako kañak eta tapak beka (2019), Laboral Kutxa Saria (2021) eta Comic Art Europe beka (2022). Gainera, Carlos Giménez komikiaren bigarren saria, eta Alonso Cano bi sari irabazi ditu: komiki kategorian “Abuelo muela“ lanarekin, eta obra eskuratzeko kategorian “Tigre sudando bálsamo de tigre“ lanarekin. 2024an lehen eleberri grafikoa argitaratu zuen, “Etileno“, INJUVEren sorkuntzako laguntzei esker. Lan horrek, gainera, Splash 2025 saria jaso zuen Oraina ulertu kategorian. 2025ean Fanzimad 2025 saria irabazi du “¡Al congelador!“ izeneko fanzine berriarekin. Azken hilabeteetan, egonaldi bat egin du Lyonen Cómic Barcelona bekari esker, eta beste bat Irungo Bitamine Kultur Elkartean, euskal artea, sorginkeria eta mitologia ikertzen. Gaur egun, Madrilen bizi da, eta Madrilgo IEDko irakasle-lanarekin uztartzen du bere praktika.
Komikiaren Nazioarteko Egoitza Azkuna Zentroaren, Cité Internationale de la Bande Dessinée et de L ‘image (Angoûleme) eta La Maison De La Litterature (Quebec) erakundeen eta BilbaoArteren babesaren artean sustatutako esperientzia gurutzatua da. Ekimenak sorkuntza sustatzen du komikiaren eremuan, eta hainbat herrialdetako pertsonen arteko topaketa bultzatzen du, nobela grafikoaren funtsezko ingurune profesionaletan, egoiliarrak beste diziplina garaikide artistiko batzuetako artistekin konektatuz.
Egoitzako emaitzak Running on empty erakusketan ikusi ahal izango dira. Comics as visual poetry, Azkuna Zentroa-Alhóndiga Bilbaoko Mediatekako espazioan, 2026ko martxoaren 17tik aurrera, komiki eta tebeoren egunarekin bat eginez.
@choose_a