Artista bisuala, antropologoa eta zinemagilea. Bere praktika artistikoa ez-fikziozko zinemaren eta zinema esperimentalaren esparruan garatzen da batez ere. Instalazio-testuinguruetan ere aurkezten diren filmak eta ikus-entzunezko piezak egiten ditu. Horietan, iragana eta oraina, poesia eta saiakera, narratiba eta abstrakzioa, errealitatea eta fikzioa nahasten ditu. Irudiekin, soinuekin eta testuekin lan egiten du, eta, horretarako, hainbat artxibotatik ateratako materialak erabiltzen ditu: argazkiak, filmak, bideoak, testuak, dokumentuak eta proiektuei forma ematen dien egituraren funtsezko zati diren bestelako hondarrak. Bere praktikak artean besteren materialak berrerabiltzeak eskaintzen dituen aukera sortzaile eta etikoak aztertzen ditu, birziklatzea eta material horiek elkarrekin erlazionatzea aldi berean keinu sortzaile eta politiko gisa ulertuz.

Celia Viada Caso (Madril, 1991). Antropologian eta Median trebatzen da Goldsmiths-en, University of London-en (2013 – 2015), Sorkuntzako Dokumentu Masterrean UPFn, Bartzelonan (2018 – 2019), eta Ikerketa eta Arte Sorkuntzako Masterrean EHUn, Bilbon (2025 – 2026). Bere praktika ez-fikziozko zineman eta zinema esperimentalean garatzen da, irudia, soinua eta testua konbinatuz eta artxiboko materialekin lan eginez. Bere proiektu nagusien artean, besteak beste, “Volver a casa tan tarde” (2025), Punto de Vista jaialdian X Films saria eta Bartzelonako L ‘Alternativan Film Nazional Onenaren Saria irabazi zituena, nabarmentzen dira. “La Calle del Agua” (2020) bere lehen filmarekin Zuzendaritza Onenaren FIPRESCI Saria, Publikoaren Saria eta Gijongo Nazioarteko Zinema Jaialdian (FICX) Espainiako Zinemaren Gidoi Onenaren ALMA Saria eskuratu zituen.

@celia.viada.caso