Bere praktika eskultura, irudia eta performancearen arteko bidegurutzean kokatzen da. Bere lanak gaur egungo iruditerien eraikuntza aztertzen du, herri-kulturatik eta esperientzia indibidual eta kolektiboa zeharkatzen duten sinboloetatik abiatuta. Bereziki interesatzen zaio nola desira, ahal indibidual gisa ulertuta, ezinbestean esparru partekatu batean txertatzen den eta komunaren formekin erlazionatzen den. Objektu, irudi eta gailu eskultorikoen bidez, errepresentazioaren eta presentziaren, irudiaren eta formaren, gorputzaren eta espazioaren arteko harremanak ikertzen ditu. Ikuskizunari lotutako materialak eta elementuak ditu produkzioak, eta ekintzarako agertoki gisa funtziona dezaketen egitura bihurtzen ditu. Prozesu horretan, objektuak eta formak muntatzeko, desmuntatzeko, eusteko eta eraldatzeko aukerei erreparatzen die. Halaber, aurreko prozesuetako hondarrekin, erroreekin eta materialekin lan egiten du, eta esanahi-geruza berriak sortzeko modu gisa ulertzen du berrerabiltzea. Irakurketa, behaketa, trukea eta esperimentazioa bere ikerketa artistikoaren funtsezko tresnak dira.

Javier Ozcoidi (Iruña, Nafarroa, 1999). Arte Gradua eta Ikerketa eta Sorkuntza Masterra egin ditu EHUn. Erakusketa kolektibo eta indibidual ugaritan parte hartu du. Aldi berean, tokiko panorama artistikoaren eragile aktiboa da; Heretica (s) kolektiboaren sortzaileetako bat da, praktika artistikotik artearen kolektibitate forma berriak planteatzen dituena, eta beste 4 artistarekin batera Okela sormen lantegia espazioaren lekukoa hartu du Bilbon.

@javierozcoidii