Jon Ibalak inguratzen gaituzten objektuen formaren eta haien existentziaren zergatiaren arteko harremanean jartzen du arreta, batez ere gure artean denbora asko daramatenengan. Objektuak ez lirateke diren bezalakoak izango ingurunearen eraginik gabe: harreman hori botere- eta kalteberatasun-joko gisa ulertzen du. Bere mugimendu naturala ukatzen dion ingurune batean zerbaitek bidea egin behar duenean sortzen den konplexutasuna interesatzen zaio; ez hainbeste ahuleziaren ulermenetik, baizik eta erresilientziaren edertasunetik.

Bere praktika artistikoaren bidez, esanahi horiek guztiak bere mugetaraino eramaten ditu, objektuen formaren eta senaren perimetroak arakatuz eta, beraz, aldi berean berriak eta ezagunak egiten zaizkigun narratibak irudikatuz.

Jon Ibala (Mungia, 1996). Pintura-masterra EHUn. Erakusketak egin ditu, berrienen artean (2025) “90km aho zirika”, Gema Intxaustik komisariatutako eta HARRIAK proiektuaren baitako erakusketa kolektiboa Zabalarte Kultur Etxean (Agurain), eta “Gau beilako eleak” bakarkako erakusketa Portalea Kultur Etxean (Eibar).

@jon.ibala