Proiektuan, dioramak eta miniaturak sortzen ditu, bitarteko horren bidez etxekotasuna, espazioa eta memoria arakatu duten artista garaikideetan inspiratuta. Dioramek, tresna artistiko gisa, plataforma paregabea eskaintzen dute artea ezkutuko xehetasunak eta narratiba konplexuak transmititzeko bitarteko gisa erabiltzeari buruz hausnartzeko.

Proiektu honen abiapuntua miniaturak praktika artistikoaren zati gisa jorratzen dituzten hainbat sortzaileren lana da; tartean, Amy Bennett, Do Ho Suh edo James Casebere. Horien artean nabarmentzekoa da Frances Glessner forentsearen eta haren Nutshell Studies-en papera.

Juana Garcia-Pozuelo (Logroño, 1978) artista plastikoa da, eta 1996az geroztik Bilbon bizi da. Arte Ederretan lizentziatu zen Euskal Herriko Unibertsitatean, eta prestakuntza osatu zuen Arte Sorkuntza eta Ikerketa Masterrarekin, unibertsitate berean. Ibilbidean zehar, ikasketak zabaldu ditu nazioarteko erakundeetan; tartean, New Yorkeko School of Visual Arts Eskolan eta Salzburgoko Summer School of FineArt-en. 20021ean ibilbidea hasi zuenetik, estilo piktoriko figuratiboa garatu du gai kontzeptual askoren inguruan.