Kolonbia Migrante Zinemaldia (FCCM) nazioarteko kultura-ekimena da, eta zinema- eta ikus-entzunezko ekoizpenen bidez memoria-espazioak ikusarazi, zabaldu eta sortzen laguntzea du helburu. Kolonbiarren migrazio-fenomenoen konplexutasuna kontatzea du ardatz, bai beren lurraldean, bai beren lurraldetik kanpo.
Territorios soñados (Amestutako lurraldeak) intsigniarekin, Kolonbia Migrante Zinemaldiak irudimenak eta desioak bakearen eraikuntzan duten paperaz gogoeta egitera gonbidatzen du. Bake Akordioa sinatu eta hamar urtera, jaialdiak onartzen du migrazio, erbeste eta lekualdatze esperientziek lurraldeak eraldatzen jarraitzen dutela eta oroimen, konponketa eta berreraikuntza kolektiboko prozesuak elikatzen dituztela.
Amets egiteko eskubidea ez da ideia abstraktu bat, ezta urrutiko zerumuga bat ere, baizik eta topaketetan, talde-antolaketan eta amankomuneko bizitzari eusten dioten loturetan gauzatzen den eguneroko praktika bat.
Informazio gehiago: https://festivalcolombiamigrante.com /
Kolonbia Migrante Zinemaldia Bilbora iritsi da! Bere V. edizioan lehen aldiz lurreratu zen Euskadin.
Zinemaldi hau nazioarteko kultura-ekimen bat da, ekoizpen zinematografikoen eta ikus-entzunezkoen bidez memoria-espazioak ikusarazi, zabaldu eta sortzen laguntzen duena. Kolonbiarren migrazio-fenomenoen konplexutasuna kontatzea du ardatz, beren lurraldearen barruan eta kanpoan, erbesteratuen, migratzaileen eta Kolonbiako bakearekin konprometitutako aliatuen erakundeekin artikulatuta.
PROGRAMA
BilbaoArtek hainbat zinema-proiekzio hartuko ditu ArtHouse Zineman, gizarte-komunitateen eta sormen-eragileen arteko elkarrizketa sustatzeko helburuarekin.
Urriaren 22an eta 23an izango dira, 18:00etatik 21:00etara.
Urriaren 22an, ostegunarekin, hiru film labur proiektatuko dira, denak autoria kolonbiarrekoak: “Yolanda camina sola”, “Amor en los tiempos de como se sea llame el presente” eta “El rastro del dolor”, emakume errealizadoreen azken bi sorkuntza hauek.
Inkomoda Hospeda Elkarteak borondatez eta maitasunez eman ditu Kolonbiako zinema proiekzio hauek, bakea eta memoria eraikitzearen aldeko apustu gisa.
Sarrera doan
Yolanda camina sola
