2024ko irailaren 27an, ostirala, 19:00etan, BilbaoArteko URIBITARTE40 Aretoak Gabriel Cocaren «Bordea» erakusketa inauguratuko du. 2023/24an beka jaso zuen artistak, ikasketak lagatzeko modalitatean.
Proiektu honekin, BilbaoArtek hasiera ematen dio 2024/25 ikasturteko programazio berriari. Bertan, BilbaoArte Bildumaren inguruko banakako eta taldeko proiektuak garatuko dira.
Erakusketa asteartetik larunbatera 11:00etatik 14:00etara eta 16:00etatik 20:00etara eta igande eta jaiegunetan 11:00etatik 14:00etara, ikusi ahal izango da martxoaren 10era arte. Doako sarrera.
ERAKUSKETA: BORDEA
Erakusketa BilbaoArteko estudioan egondako hilabeteetan egindako ekoizpen berriko lanek osatzen dute. Harekin batera, artistak obra-corpus berri bat garatu du, aurreko proposamenekin elkarrizketan sartuko dena. Bertan, hausteko keinua eta indarren aurkakotasunagatik espazio piktorikoan tentsioa sortzea eta harmonia bat aurkitzea presente egongo dira. Marraren bidez ezarritako formek, geruzen eta lodieren gainjartzeak pinturaren gorpuztasuna agerian jartzen laguntzen diote artistari, koadroaren gainazalean zirkulatzen, perimetroa mugatzen eta zaintzen; ertzetan sartu eta irteten. Dena hartu. Soberan dagoena kendu. Erritmo bat markatu, aurrera eta atzera egin eta barrurantz joan.
ARTISTA: GABRIEL COCA
Gabriel Cocaren (Iruñea, 1989) praktika artistikoaren ardatza pinturaren propietateei buruzko ikerketa da, eta bitarteko horrek berez dituen aukerei buruzko hausnarketa bat da. Pintatzea keinu bat da artistarentzat, desio baten bultzadagatik egindako ekintza bat, zerbait ikusteko nahia, oraindik ere ezer ez den zerbait hori ikusteko nahia. Materia, kolore eta trazuaren bidez forma hartzen duen indar hori bistaratzea.
Espazio piktorikoa gainjartzen diren eta elkar ukatu edo berresten duten pintura-geruza askoren multzo batez ezartzen da. Koadroa leku gisa ulertzen du, pintura gelditutako une baten irudi gisa, orainaldi material bat.
Lankidetza:
Cervezas El Águila
