BilbaoArte Fundazioak baimentzen du BA Bildumako obrak aldi baterako erakusketa eta proiektuetara lagatzea. Artelan gehienak eskuragarri daude mailegurako, salbu eta kontserbazio arrazoiengatik ezin mailegatu daitezkeenak edo eskariaren egunetan beste museo edo instituzio batzuei lagata daudenak.

Obren mailegua mugatuta dago eskatutako obren segurtasuna eta kontserbazio ona bermatzen duten museo, instituzio, fundazio eta kultura-espazioentzat. BilbaoArte Fundazioak bere ondarearen aurrean duen erantzukizunaren eraginez, ez zaie mailegurik ekeiniko partikularrei, enpresa pribatuei eta galeria komertzialei, ezta promozio- edo propaganda-helburuetarako ere.

Mailegurako eskari bat aurkeztu aurretik, erakusketetako kuradore-taldeei gomendatzen zaie eskatzen diren bildumen ardura duten pertsonekin kontaktatzea, haien aukeraketa zehazteko eta obren erakustaldiak izan litzakeen mugak eztabaidatzeko.

Mailegurako eskari baten ebaluazioa obraren berezko faktoreen arabera egiten da (kontserbazio egoera, haren erakustaldien maiztasuna eta eskuragarritasuna), eta baita kanpo-faktoreen arabera ere (erakusketa-proiektua eta espazioaren baldintzak, instalazioei buruzko txosten baten bidez justifikatu beharko direnak).

Maileguen eskaria erakusketaren inaugurazioaren aurretik egin behar da, aurre-denbora nahikoz, beharrezkoak diren prozedura guztiak tramitatu ahal izan daitezen.

Maileguen eskariak BilbaoArteren Bildumaren arduradunek eta Zuzendaritzak ebaluatuko dituzte, eta horiek jakinaraziko dute, ofizialki, zein den eskariaren egoera eta ea onartu den edo ezezkoa eman zaion.

Mailegua onartuta dagoenean, BilbaoArte Fundazioak obraren edo obren mailegurako baldintza espezifikoak bidaliko dizkio eskaria egin duen erakundeari, gai hauei dagokienez: muntaketa, dokumentazio grafikoa, asegurua, kontserbazioa eta katalogoa.