Izen-ematea azaroaren 18ra arte
Liburuaren inguruan planteatzen den sorkuntza-tailerra, norberaren bizitza (edo bizitzaren zati handi bat) modu bisualean kontatzeko/egituratzeko tresna gisa, norberaren edo besteen argazkien, testuen, marrazkien eta orrialde batean sar daitekeen beste edozein elementuren bidez.
Irakaslea: Raúl Hevia
Azaroaren 30etik, astelehena, abenduaren 4ra, ostirala.
El libro de tu vida (Zure bizitzako liburua) hausnarketa-proiektu bat da, liburu formatuan sakondu nahi duen edozein sortzaileri zuzendua, sormen-estrategia gisa. Tailerrak hainbat ideia ditu ardatz: nola eraiki liburu bat familiako album batetik (norberarena edo besterena) ateratako irudiekin eta non, modu sortzailean, norberaren bizitza laburbiltzen den (identitateari buruzko ariketa bat, autobiografia argumentu gisa); nola landu diskurtso koherente eta egiazkoa beste batzuek sortutako irudien bidez, irudien irakurlea eta protagonista egile bihurtzen den rolen jabekuntzaren, maileguaren eta trukearen bidez; nola eraman irudi analogikoen “bizitza narratiboa” (horietako askotatik jada galdu dugu arrastoa) sintesi eta lanketa digitaleko prozesu baten bidez, formatu berri bat sortzeko edo birsortzeko.
Dagoeneko emandako irudi batzuetatik abiatuta lan egitea eta, tailerraren bidez, beste irudi eta ideia berri batzuetara iristea da helburua.
METODOLOGIA
1. eguna. Lantegiaren planteamendu orokorra. Aurrekariak eta adibideak. Lan-tresnak deskribatzea. Liburu zuria.
Helburuak: aurrekarien ideia orokor bat garatzea eta tailerraren berezitasunak egituratzea. Materialak ezagutzea.
2. eguna. Nor naiz ni besteen argazkien bidez? Proiektu propio bat egitea.
Helburuak: parte-hartzaile bakoitzaren sormen-irizpideak zehaztea. Efektiboa vs. afektiboa. Hainbat teknikarekin esperimentatzea.
3. eguna. Orri zuria. Orriz orriko narrazioa.
Helburuak: lan egiteko modu eraginkor bat ezartzea. Irizpide propioak aplikatzea eta irizpide orokorrak zalantzan jartzea.
4. eguna. Lan-prozesua eta -fluxua.
Helburuak: edukiak formari aplikatzea. Adierazpen eta esperimentazio askea sustatzea.
5. eguna. Proiektu bakoitza ozen jartzea. Banakako proiektua argitalpen-proiektu gisa.
Helburuak: emaitzak neurtzea eta baliozkotzea. Autoanalisia eta iritzi kritikoa sustatzea.
FITXA TEKNIKOA
Izenburua: El libro de tu vida (Zure bizitzako liburua)
Irakasle: Raúl Hevia
Lekua:tailerrak, edizio-aretoa, platoa.
Datak: azaroaren 30etik, astelehena, abenduaren 4ra, ostirala
Ordutegia: 20 ordu, 16:00etatik 20:00etara
Norentzat: artista interesatuak. Ez da beharrezkoa aldez aurreko ezagutzarik.
Izena emateko modua: Izena emateko hurrenkeraren arabera eta bilbaoarte@bilbao.eus helbidean (gaian El libro de tu vida (Zure bizitzako liburua) ikastaroa adieraziz). Horretarako, izena emateko fitxa betetzeko eta motibazio-gutun bat eransteko eskatzen dizuegu.
Izena emateko epea: azaroaren 18ra arte
Plazak: 12 pertsona
Prezioa: 150 €(tarifa orokorra) – 75 €(BilbaoArteko artista eta erabiltzaileentzako tarifa murriztua)
Parte-hartzaileek ikastarora eraman behar dituzte: banakako argazki pertsonalak eta familiarrak edo albumak, pendriveak, argazki-kamera digitala, smartphonea.